3-4 мамыр аралығында Қостанай индустриалды-педагогикалық колледжінде алғаш рет “Аспазшы ісі” құзыреттілігі бойынша Мемлекеттік қорытынды аттестаттау шеңберінде WorldSkills стандарттары бойынша демонстрациялық емтихан өтті. ТӨТ-КО-1-19 тобының үшінші курс студенттері екі күн ішінде 4 модульді орындады: асқабақтан жасалған крем-сорпа, балықтан жасалған ыстық тағам, дәмдеуіштері бар құстың негізгі тағамы, мусс тәттісі.
Тағамдарды дайындау кезінде студенттер тағамдарды дайындау, рәсімдеу және беру дағдыларын көрсетті. Колледждің әлеуметтік серіктестерінен, білікті сарапшылардан тұратын емтихан комиссиясы: “Целинное” кафесінің директоры Г. Зарихина, “Элита” аспаздық технологы Н.Иванова, “Медеу” мейрамханасының аспазшысы С.Свешникова және колледж сарапшысы А.Шукманова білім алушылардың жұмысын бағалады.
Бас сарапшы О.Кухаренко демоемтихан білім алушыларға өндірістік жағдайға жақын жағдайларда игерілген кәсіби құзыреттіліктерін сәтті көрсетуге мүмкіндік бергенін атап өтті.
Биыл демонстрациялық емтихан облыстың тоғыз колледжінде 100-ден астам түлек арасында 13 мамандық бойынша өтеді.
